Qazaqstandyqtar úılenýge asyqpaıdy: Ásirese Túrkistan oblysynda neke sany aıtarlyqtaı azaıdy

ASTANA. KAZINFORM — Byltyr elimizde neke men ajyrasý sany azaıdy. Ulttyq statbıýro osyndaı málimet taratty. 

 2023 jyldyń 12 aıynda 120 myń neke tirkeldi.

2022 jylmen salystyrǵanda neke sany 5,9% tómendedi.

Neke koeffıtsıenti 1000 adamǵa 6,07 qurady.

Sondaı-aq osy kezeńde 16,7 myń ajyrasý tirkeldi (sottyń nekeni buzý týraly sheshimin esepke almaǵandaǵy AHAT organdarynyń derekteri boıynsha).

Bul da 2022 jylǵy deńgeıden 5,3% az.

Ajyrasý koeffıtsıenti 1000 adamǵa 0,84 qurady.

Birinshi kredıt bıýrosynyń málimetinshe, 120 myń neke — sońǵy 19 jyldaǵy eń tómen kórsetkish. 

Quldyraý Ulytaýdan ózge búkil oblysta tirkelgen. 

Halyq tyǵyz qonystanǵan Túrkistan oblysynda jańa nekeniń sany 1,5 myńǵa azaıǵan.

Bul jalpy kórsetkishke aıtarlyqtaı áser etti. Búkil quldyraýdan 20 paıyz osy óńirge tıesili.