Qazaqstandyqtar úı shatyrynda kún energııasyn óndirip, paıda taba alady

ASTANA. KAZINFORM – Qazaqstandyqtarǵa kún energııasyn óndirip qyzyǵyn kórip qana qoımaı, satýǵa da múmkindik berilip otyr. Bul týraly Energetıka vıtse-mınıstri Suńǵat Esimhanov málim etti.

- Ótken jyly zańnamany jańarttyq, qarapaıym tilmen aıtqanda, endi jeke úı turǵyny shatyrǵa 200 kılovattyq kún panelderin ornatyp, onyń 100 kılovatyn ózi tutynyp, qalǵan 100 kılovatty sata alady. Sol sııaqty energııa taratýshy kompanııa ol energııany óńirdegi ortasha tarıfpen satyp alýǵa mindetti. Sondyqtan bul tıimdi mehanızm dep sanaımyz, - dedi Suńǵat Esimhanov ortalyq kommýnıkatsııalar qyzmeti alańynda ótken baspasóz máslıhatynda.

Vıtse-mınıstrdiń aıtýynsha, qazir shaǵyn bıznes bul múmkindikti belsendi paıdalana bastady.

- Sońǵy bir jylda jalpy qýattylyq eki eseden artty. Sondyqtan halyqty belsendi bolýǵa shaqyramyz. Árıne, bul jerde túsindirý jumystaryn kúsheıtýimiz qajet. Osy baǵyttaǵy jumysty ákimdiktermen birlesip keńeıtemiz dep oılaımyn,- deıdi mınıstrdiń orynbasary.

Aıta ketsek, Energetıka mınıstri Erlan Aqkenjenov Qytaı Qazaqstandaǵy jańartylatyn energetıka jobalaryna qyzyǵýshylyq tanytqanyn málimdegen edi.