Qazaqstandyqtar úsh jylda alaıaqtarǵa 18,9 mlrd teńgege aldanǵan

ASTANA. KAZINFORM – Sybaılas jemqorlyqqa qarsy is-qımyl agenttigi sońǵy úsh jylda alaıaqtyq faktileri boıynsha 770 qylmystyq is tirkedi. Bul týraly atalǵan agenttiktiń resmı ókili Danııar Bıgaıdarov málim etti.

«Sybaılas jemqorlyqqa qarsy is-qımyl salasynda alaıaqtyq jasaý ózekti problema. Sońǵy úsh jylda agenttikte alaıaqtyq faktileri boıynsha 700-den astam (770) qylmystyq is tirkeldi, onyń 100-den astamy para berýge ıtermeleýmen ushtasty. Respýblıka boıynsha alaıaqtarǵa berilgen qarajattyń jalpy somasy 18,9 mlrd teńgeden asady», - dedi Danııar Bıgaıdarov Antıkorda ótken brıfıngide. 

Buǵan deıin habarlaǵanymyzdaı, Jambyl oblysy Polıtsııa departamentiniń esirtki qylmysyna qarsy is-qımyl jónindegi aýdanaralyq bólimine qarasty bólimshe bastyqtary qamaýǵa alyndy. 

Sondaı-aq, brıfıng barysynda Gúlmıra Satybaldyǵa jańadan aıyptar taǵylyp, tergeý júrgizildi. 

Odan bólek, Astanada Kirister departamenti aýdıt bólimi basshysynyń úıinen 129,4 mln teńge tárkilengeni aıtyldy.