Qazaqstandyqtarǵa Ýkraınadan ketý usynyldy - Elshilik
BÝDAPEShT. KAZINFORM – Qazaqstannyń Ýkraınadaǵy elshiligi el azamattaryn Ýkraınadan ketýge shaqyrdy.
«Ýkraınada artıllerııalyq atqylaý men áýe shabýyldarynyń jıiliginiń artýyna baılanysty, qaýipsizdik maqsatynda Qazaqstan Respýblıkasynyń Ýkraınadaǵy Elshiligi Qazaqstan azamattaryna belsendi urys qımyldary júrgizilip jatqan jerlerge jaqyn aýmaqtardy qaldyrý nemese Ýkraınadan ketý múmkindigin qarastyrýdy usynady. Elshilik barlyq azamattardy áýe shabýyly týraly eskertýdi nazarǵa alyp, dereý baspanalarǵa barýǵa, ózderiniń qaýipsizdik sharalaryn saqtaýǵa jáne resmı organdardyń usynystaryn oryndaýǵa shaqyrady. Ýkraınadan Qazaqstanǵa barý úshin Qazaqstan Respýblıkasynyń azamattary jerústi baǵyttaryn: Polsha nemese Moldova arqyly, odan ári kommertsııalyq áýe qatynasyn paıdalana alatynyn eskeremiz», - delingen habarlamada.
Polsha arqyly ketken jaǵdaıda Qazaqstan azamattarynda Shengen vızasy bolýy kerek. Moldovaǵa kirý úshin vıza qajet emes.
Elshiliktiń konsýldyq bóliminiń baılanys telefondary: +38(044) 4831596, +38(044) 4891031.
Qazaqstan azamattaryna arnalǵan senim telefony (tótenshe jaǵdaı kezinde): +380673470408.
