Qazaqstandyqtar Túrkııaǵa saparlaý rekordyn jańartty

ASTANA. KAZINFORM – Bıylǵy jazda qazaqstandyqtar Túrkııaǵa jasaǵan sapar sany boıynsha 2014 jyldan beri buzylmaı kele jatqan rekordty jańartty.

Túrkııanyń Mádenıet jáne týrızm mınıstrligi keltirgen derekke súıengen Birinshi kredıttik bıýro osyndaı málimet usynǵan.

Túrkııa tarabynyń málimeti boıynsha, bıylǵy shilde-tamyz aralyǵynda Túrkııada 4404 myń Qazaqstan azamaty kirgen. Bul byltyrǵydan 7 paıyz kóp degen sóz 2014 jyldan beri tirkelmegen joǵary kórsetkish bolyp esepteledi.

Bıyl Túrkııadaǵy demalys aıtarlyqtaı qymbattaǵan bolatyn. Atap aıtsaq, joldamalar quny shildede 35,5%, tamyzda 39,3% kóterilgen edi. Túrkııa dep telmirgen qazaqstandyqtarǵa bul da tosqaýyl bolmaǵanǵa uqsaıdy.

Biraq Túrkııa taraby usynǵan málimet bul elgen týrıstik joldamamen barǵan azamattardyń sany degen sóz emes. Elge kirgen azamattardyń bárin esepke alǵan. ıAǵnı, kelýshilerdi maqsatyna, sapar merzimine qaraı jiktemegen. Alaıda byltyr qazaqstandyqtar týrıst retinde eń kóp baratyn jer Antalııa ekeni aıtylǵan.