Qazaqstandyqtar tamyz aıynda qansha kún demalady

ASTANA. KAZINFORM — Tamyz aıynda el turǵyndary kúntizbege sáıkes demalady. Odan bólek, aıtýly mereke 30 tamyz — Konstıtýtsııa kúni kele jatyr.

Tamyz aıyndaǵy demalys kúnderi:

— bes kúndik jumys aptasynda — 21 jumys kúni jáne 10 demalys kúni;

— alty kúndik jumys aptasynda — 25 jumys kúni jáne 6 demalys kúni.

30 tamyz — Qazaqstan Respýblıkasynyń Konstıtýtsııasy kúni merekelenedi. Bıyl atalǵan mereke senbige túsip tur. «Qazaqstan Respýblıkasyndaǵy merekeler týraly» Zańnyń 5-babyna sáıkes, demalys kúni merekelik kúnmen sáıkes kelgen jaǵdaıda, kelesi jumys kúni demalys sanalady. Osyǵan baılanysty demalys kúni senbi, 30 tamyzdan dúısenbi, 1 qyrkúıekke aýystyrylady.

Osylaısha, Konstıtýtsııa kúnine baılanysty qazaqstandyqtar:

— bes kúndik jumys aptasynda qatarynan úsh kún demalady: 30, 31 tamyz jáne 1 qyrkúıek (senbi, jeksenbi, dúısenbi);
— alty kúndik jumys aptasynda — eki kún demalys 30 jáne 31 tamyz (senbi, jeksenbi).

Sondaı-aq tamyz aıynda birqatar kásibı mereke bar: 

— 3 tamyz (tamyz aıynyń birinshi jeksenbisi) — Kólik qyzmetkerleriniń kúni;
— 3 tamyz — Temirjol kóligi qyzmetkerleriniń kúni;
— 10 tamyz — Abaı kúni;
— 10 tamyz (tamyz aıynyń ekinshi jeksenbisi) — Qurylysshylar kúni;
— 18 tamyz — Shekarashylar kúni;
— 18 tamyz — Sport kúni;
— 29 tamyz — Semeı ıadrolyq synaq polıgonynyń jabylý kúni;
— 31 tamyz (tamyz aıynyń sońǵy jeksenbisi) — Kenshiler kúni.

Aıta ketsek, elimizde 6 jańa kásibı mereke paıda bolady.