Almatyda ǵaryshker Talǵat Musabaevpen qoshtasý rásimi ótti
ALMATY. KAZINFORM – Almaty qalasynda Halyq qaharmany, ǵaryshker Talǵat Musabaevpen qoshtasý rásimi ótti.
Tarıhı tulǵamen qoshtasý rásimi Almatydaǵy Ofıtserler úıinde uıymdastyryldy.
Ǵımarattyń kireberisinde qurmet qaraýyly sap túzedi. Talǵat Musabaevty sońǵy saparǵa shyǵaryp salýǵa onyń týǵan-týystary, jaqyndary, dostary, sondaı-aq memleket jáne qoǵam qaıratkerleri keldi. Qatysýshylar qatarynda ǵaryshkerler - Toqtar Áýbákirov pen Aıdyn Aıymbetov te bar.
Ańyzǵa aınalǵan ǵaryshkermen qoshtasý rásiminen keıin 28 gvardııashy-panfılovshylar atyndaǵy saıabaqtaǵy alańda janaza oqylady.
Eske salaıyq, 3 tamyz kúni 75 jasynda ushqysh-ǵaryshker, avıatsııa general-leıtenanty, tehnıka ǵylymdarynyń doktory, memleket jáne qoǵam qaıratkeri, Halyq qaharmany Talǵat Musabaev ómirden ótti.
Memleket basshysy Qasym-Jomart Toqaev Talǵat Musabaevtyń týǵan-týystary men jaqyndaryna kóńil aıtyp, onyń otandyq ǵylym, tehnıka jáne memlekettik basqarý salasyndaǵy zor úlesin atap ótti.