Qazaqstandyqtar sulýlyq qyzmetterine 127,3 mlrd teńge jumsaǵan
ASTANA. KAZINFORM — Ótken jyly sulýlyq salasynda 127,3 mlrd teńgeniń qyzmeti kórsetildi.
Ótken jyly elde sulýlyq salasynda kórsetilgen qyzmetterdiń kólemi 127,3 mlrd teńge boldy. Onyń eń úlken úlesi shashtaraz qyzmetterine tıesili — 67,5 mlrd teńge. Bul 2024 jylmen salystyrǵanda 5,3%-ǵa artyq.
Manıkıýr men pedıkıýrdi qosa alǵanda, kosmetıkalyq qyzmetterdiń kólemi 7,5 mlrd teńge.
Sulýlyq salondary kórsetetin ózge de qyzmetterdiń kólemi 52,3 mlrd teńgege jetti. Onyń ishinde adamnyń óńdelmegen shashyna qatysty qyzmetter de bar.
Sulýlyq salasynyń damýy qalalarmen qatar aýyldyq jerlerde de baıqalady. 2025 jyly aýyldardaǵy shashtaraz qyzmetteriniń kólemi 2024 jylmen salystyrǵanda 4,2%-ǵa ósip, 34,3 mlrd teńgege jetti.
Sonymen qatar, aýyldyq jerlerde sulýlyq salondarynyń ózge de qyzmetteriniń kólemi 1,9 mlrd teńge, al kosmetologııalyq qyzmetterdiń kólemi 814,9 mln teńge boldy.
Aıta ketelik qyzdar «sulýlyqqa» qansha aqsha jumsaıtyny týraly jazǵan edik.
