Qazaqstandyqtar shilde aıynda qansha kún demalady

ASTANA. KAZINFORM – Bıyl shildede qazaqstandyqtar demalys jáne mereke kúnderin qosa alǵanda, 9 kún demalady.

6 shilde Astana kúni atap ótiledi. Buǵan qosa, shilde aıynda kásibı merekeler de bar, alaıda olar qosymsha demalys kúnderimen bekitilmegen.

Bıyl Astana kúni jeksenbige túsip tur, sondyqtan demalys kúni dúısenbige, 7 shildege aýystyrylady. Bul qazaqstandyqtarǵa uzaq demalýǵa múmkindik berip otyr. Bul alty kúndik jumys kestesimen isteıtinderge de qatysty.

Demalys kestesi:

- Bes kúndik jumys aptasy: demalys kúnderi — 5, 6 jáne 7 shilde;

- Alty kúndik jumys aptasy: 5 shilde — jumys kúni, 6 jáne 7 shilde — demalys.

Shilde aıynda kásibı jáne basqa da merekeler bar. Bul kúnder jumys kúnderi bolsa da, olar atalyp ótip, tıisti sala qyzmetkerleri quttyqtalady.

Kásibı merekeler tizimi Eńbek jáne halyqty áleýmettik qorǵaý mınıstriniń mindetin atqarýshynyń 2023 jylǵy 17 qarashadaǵy № 480 buıryǵyna sáıkes jarııalanǵan jáne ol alǵash resmı jarııalanǵan kúninen bastap kúshine engen.

Qazaqstandaǵy kásibı merekeler:

2 shilde — Dıplomatııalyq qyzmet kúni;

6 shilde — Ulttyq dombyra kúni (shildeniń birinshi jeksenbisi), Teńiz jáne ózen kóligi qyzmetkerleri kúni;

9 shilde — Sý sharýashylyǵy qyzmetkerleriniń kúni;

10 shilde — Veterınarııa qyzmetkerleri kúni;

13 shilde — Ulttyq qaýipsizdik organdary kúni, Balyq sharýashylyǵy qyzmetkerleriniń kúni (shildeniń ekinshi jeksenbisi);

14 shilde — Notarıat kúni;

20 shilde — Metallýrg kúni (shildeniń úshinshi jeksenbisi);

27 shilde — Saýda qyzmetkerleriniń kúni (shildeniń tórtinshi jeksenbisi).

BUU kúntizbesi boıynsha halyqaralyq kúnder:

6 shilde — Halyqaralyq kooperatıvter kúni;

9 shilde — Atys qarýyn joıýdyń halyqaralyq kúni;

11 shilde — Dúnıejúzilik halyq sany kúni;

15 shilde — Jastardyń daǵdylarynyń dúnıejúzilik kúni;

18 shilde — Nelson Mandela kúni;

25 shilde — Batyp ketýdiń aldyn alý kúni;

26 shilde — Mangr ekojúıelerin saqtaý halyqaralyq kúni;

28 shilde — Vırýsty gepatıtke qarsy kúrestiń dúnıejúzilik kúni;

30 shilde — Adam saýdasyna qarsy kúrestiń dúnıejúzilik kúni; Halyqaralyq dostyq kúni.

Jaqynda ǵana Eńbek jáne halyqty áleýmettik qorǵaý mınıstri Svetlana Jaqypova merekedegi demalys kúnin basqa jumys kúnine aýystyrý tártibine qatysty depýtattyq saýalǵa jaýap bergen edi.