Qazaqstandyqtar Shengen vızasyn alýǵa rekordty ótinim bergen
ASTANA. KAZINFORM – Qazaqstandaǵy Shengen konsýldyǵy 160 myń vızalyq ótinimdi óńdegen.
«Qazaqstandaǵy Shengen konsýldyǵy vızalyq ótinishterdiń rekordtyq sanyn óńdedi – 160 myń. Bul bizdiń qarym-qatynastyń serpindi dınamıkalyq damýynyń kórsetkishi», - dedi Eýropalyq Odaqtyń Syrtqy ister jáne qaýipsizdik saıasaty jónindegi Joǵarǵy ókili, Eýrokomıssııanyń vıtse-prezıdenti Jozep Borrel Astanaǵa resmı saparynda BAQ ókilderi aldynda málimdeme jasap.
Onyń aıtýynsha, EO men Qazaqstan arasyndaǵy áýe qatynasyn damytýǵa yqpal etetin avıatsııalyq kelisim daıyn.
Sondaı-aq, joǵarǵy ókil Eýropa komandasynyń quny 20 mıllıon eýro bolatyn tsıfrlyq spýtnıktik baılanys bastamasyn júzege asyrý baǵytynda jumystyń jalǵasyp jatqanyn aıtty. Aldymen qaýipsiz spýtnıktik baılanys saıasaty men normatıvtik bazany ázirleý qajet.
Buǵan deıin qazaqstandyqtar úshin Eýroodaq elderine vızalyq rejım jýyrda jeńildeýi múmkin ekendigi týraly habarlaǵan edik.
Aıta keteıik, bıyl 5 aıdyń ishinde Qazaqstan men Eýroodaq arasyndaǵy saýda aınalymy 20,2 mlrd dollarǵa jetken.
