Qazaqstandyqtar reseılik «Oreshnık» ballıstıkalyq zymyrany ushyrylǵanyn kórdi — feık
ASTANA. KAZINFORM — Telegram arnalarynyń birinde Sátbaev qalasynyń turǵyndary reseılik «Oreshnık» ballıstıkalyq zymyranynyń ushyrylýyn kórgeni týraly aqparat tarady. Bul keshe, 21 qarashada bolǵan. Bul jalǵan, dep habarlaıdy stopfake.kz.
Qazaqstan turǵyndary reseılik «Soıýz-2.1a» zymyranyn kórgen bolar. Ol 21 qarasha kúni Baıqońyr ǵarysh aılaǵynan ushyrylǵan zymyran bortynda «Progress MS-29» júk kemesi bar. Bul týraly Reseıdiń «RIA Novostı» aqparattyq agenttigi habarlady.
«Baıqońyr ǵarysh aılaǵynan «Progress MS-29» júk kemesi bar «Soıýz-2.1a» zymyrany ushyryldy. Ol kemeni tómen jer orbıtasyna shyǵardy. Halyqaralyq ǵarysh stantsııasyna eki kúnde jetedi, HǴS reseılik segmentiniń «Іzdeý» modýline 23 qarashada Máskeý ýaqytymen saǵat 17:36 qonady dep josparlanǵan», — dep habarlady RIA Novostı agenttigi.
Buǵan deıin habarlaǵanymyzdaı, Máskeý urys jaǵdaıynda ortasha qashyqtyqqa baǵyttalatyn ballıstıkalyq zymyrandy ushyratyny týraly Pentagonǵa eskertken.
