Qazaqstandyqtar Perseıdter juldyz aǵyny men alty planetany kóre alady
ASTANA. KAZINFORM – 13 tamyzǵa qaraǵan túni Perseıdter meteor aǵynynyń sharyqtaý shegi bolady. Astronomdar saǵatyna 100-ge deıin «aqqan juldyz» kórinetinin boljap otyr, dep habarlaıdy TASS.
– Tańsári aldynda tamashalaýǵa qolaıly bul meteor aǵyny júrip jatqan búkil kezeńde, sondaı-aq Perseıdterdiń sharyqtaý shegine jetken túni ony Kún júıesindegi alty planeta – Neptýn, Satýrn, Ýran, Mars, Merkýrıı jáne ıÝpıter súıemeldeıdi, – dep málimdedi Máskeý planetarııi.
Perseıdter sharyqtaý shegine jetetin túni, ıaǵnı 12 tamyz keshinen 13 tamyz tańyna deıin planetalar birinen soń biri soltústik-shyǵys kókjıekten kórine bastaıdy.
Satýrn men Marsty jaı kózben kórýge bolady. Ýran men Neptýn teleskop arqyly baıqalady. Al Merkýrıı men ıÝpıter kún shyǵardan az ýaqyt buryn paıda bolyp, soltústik-shyǵys kókjıekte nebári bir saǵattaı kórinedi.
Soltústik jarty sharda, sonyń ishinde Qazaqstanda Perseıdter ásirese jaqsy baıqalady.
Materıaldy Kazinform agenttigine TASS agenttigi seriktes retinde arnaıy usynyp otyr.
Buǵan deıin Jerde shilde aıyndaǵy ekinshi magnıttik daýyl bolǵanyn habarlaǵan edi.
