Qazaqstandyqtar órt sóndirý-qutqarý sporty boıynsha álem chempıonatynda eki kúmis medal jeńip aldy
ASTANA. KAZINFORM — Jarystyń birinshi kúni Qazaqstan Respýblıkasynyń jańa ulttyq rekordtary ornatyldy. Eki sportyshy kúmis júlde ıegeri atandy. Bul týraly TJM baspasóz qyzmeti habarlady.
24 tamyz Reseı Federatsııasynyń Saransk qalasynda órt sóndirý-qutqarý sporty boıynsha XIV jasóspirim uldar arasyndaǵy álem chempıonatynyń jáne X jasóspirim qyzdar arasyndaǵy álem chempıonatynyń birinshi kezeńi ótti.
Jarystyń saltanatty ashylýy ótti. Іs-sharaǵa qatysýshy qurama komandalar, tóreshiler, jattyqtyrýshylar, Reseı Federatsııasy TJM basshylyǵy, Qazaqstan men Mordovııa Respýblıkalarynyń ókilderi qatysty. Ashylý saltanaty kezinde fınaldyq júgirister ótkizildi.
Jasóspirim uldar arasyndaǵy oqý munarasynyń 2-qabatyna shabýyl satysymen kóterilýde Bokov Nıkıta 7,26 sekýnd nátıjesimen rekordty jańartyp, álem chempıonatynyń kúmis júldegeri atandy.
Jasóspirim qyzdar arasyndaǵy oqý munarasynyń 2-qabatyna shabýyl satysymen kóterilýde Býnıakına Anastasııa álemniń úzdik tórttigine enip, fınaldyq júgiristiń nátıjesi boıynsha ekinshi oryn ıelendi.
Komandalyq esepte Qazaqstan Respýblıkasynyń jasóspirim uldar jáne qyzdar quramalary 3-orynǵa ıe boldy.
Búgin jarys kedergileri bar 100 metrlik jolaqtan ótýmen jalǵasady.