Olımpıadanyń on tórtinshi kúni el sportshylary qalaı óner kórsetti

ASTANA. KAZINFORM - Qazaqstandyq sportshylardyń jazǵy Olımp oıyndarynyń on tórtinshi kúngi nátıjesin nazarlaryńyzǵa usynamyz. 

Qazirgi bessaıys: Erler arasyndaǵy jartylaı fınaldyń A tobynda synǵa túsken Georgıı Boroda-Dýdochkın 1452 upaı jınady.

Ókinishke qaraı, qazaqstandyq topta úzdik 9 atlettiń qataryna kire almaı, fınalǵa shyqqan joq. 

Baıdarka men kanoede esý: Kanoede 500 metrge juptasyp eskek esýden áıelder arasynda A jáne V tobynyń fınalynda Marııa Brovkova men Rýfına Iskakova márege úshinshi bolyp jetti.

Ýaqyt kórsetkishi – 1:57.58 sekýnd. 

Erkin kúres: ıÝsýp Batyrmurzaev (125 kg) alǵashqy beldesýinde Robert Barannan (Polsha) jeńilip qaldy. Esep – 1:4.

Taekvondo: Batyrhan Tóleýǵalı (80 kg) ekinshi kezeńde 2 dúrkin álem chempıony Sımone Alessıoǵa (Italııa) ese jiberdi – 0-2.

Jeńil atletıka: Ulttyq qurama sportshysy Deızı Djepkemeı Parıj Olımpıadasynda 10 shaqyrymǵa júgirýdiń fınalynda 17-oryn aldy.

Olımpıadanyń on tórtinshi jarys kúninen keıin Qazaqstan quramasynyń qorjynynda 1 altyn, 3 kúmis, 3 qola júlde bar.