Qazaqstandyqtar Naýryz meıramynda neshe kún demalady

ASTANA. KAZINFORM — Naýryz merekesi — álemniń eń kóne merekeleriniń biri. Orta Azııa halyqtarynda bes myń jyl boıy toılanyp keledi. «Naýryz» sózi parsy tilinen aýdarǵanda «Jańa kún» degen maǵynany beredi. Ulystyń uly kúnin qazaq jurty jyl saıyn birneshe kún boıy dýmandatyp atap ótedi. 

Bıyl 21 jáne 22 naýryz senbi men jeksenbi kúnderine dóp tústi. Osyǵan baılanysty demalys kúnderi kelesi aptaǵa aýystyrylady.

• bes kúndik jumys aptasynda qazaqstandyqtar qatarynan 5 kún demalady: 21, 22, 23, 24 jáne 25 naýryz (senbi, jeksenbi, dúısenbi, seısenbi, sársenbi);
• al alty kúndik jumys aptasynda – 4 kún qatarynan demalys: 21, 22, 23 jáne 24 naýryz (senbi, jeksenbi, dúısenbi, seısenbi).

Aıta keteıik, Astanada Naýryz merekesine oraı 200-den astam is-shara ótedi.

Al mereke qarsańynda qosymsha poıyzdar qatynasa, áýe kompanııalar 160 qosymsha reıs oryndaıtyny habarlandy.