Qazaqstandyqtar mektepterde dinı kıim kııýge qarsylyq tanytyp, petıtsııa jarııalady

ASTANA. KAZINFORM – Epetition.kz ótinishter saıtynda qazaqstandyqtyń Oqý-aǵartý mınıstrligine úndeýi jarııalandy. Onda Qazaqstan mektepterinde dinı kıim kııýge tyıym salýdy zań júzinde keńeıtý suralǵan. 

Petıtsııada mindetti mektep formasy zańdar arqyly anyqtalǵany jazylǵan. Sondaı-aq bul zańdar bilim berý mekemelerinde dinı sımvolıka taǵýǵa tyıym salady. Alaıda qazaqstandyqtar kóp jaǵdaıda bul shekteýlerdi zańǵa táýeldi aktilerge jatqyzady. Mundaı ekiushtylyqty boldyrmaý úshin avtorlar Frantsııadan úlgi alý arqyly zańdardy keńeıtýdi usynady. Onda uldar men qyzdarǵa arnalǵan shalbardyń uzyndyǵy týraly normalarmen birge ıýbka uzyndyǵyna qoıylatyn talaptar da bar. Olar tizeden tómen bolýy kerek, al ústińgi kıim moıyndy jabýy kerek.

«Usynylǵan tolyqtyrýlardy qabyldaý qoǵamdy turaqsyzdandyratyn kóptegen manıpýlıatsııanyń aldyn alýǵa kómektesedi. Nátıjesinde mindetti mektep formasy týraly daýǵa núkte qoıýǵa, zaıyrly negizderdi nyǵaıtýǵa jáne jalań aıyptaýlardy joıýǵa bolady», - deıdi avtorlar. 

Osylaısha, avtorlar usynystardyń zańdardy ózinshe tápsirleýdi boldyrmaıtynyn, qazaqstandyq ulttyq biregeılik pen konfessııaaralyq kelisimdi qorǵaıtynyn aıtýda.

Petıtsııa mátini 2024 jyldyń 13 tamyzynda jarııalanǵan.