Qazaqstandyqtar medıtsınalyq qyzmettiń 9 paıyzyn qashyqtan alady

ASTANA.KAZINFORM -  Shalǵaıdaǵy jáne aýyldyq eldi mekenderdiń turǵyndary úshin mamandandyrylǵan medıtsınalyq kómekke qoljetimdilik dástúrli túrde qashyqtyqpen jáne beıindi mamandardyń jetispeýshiligimen shekteldi. Telemedıtsına bul jaǵdaıdy birtindep ózgertip, iri qalalarǵa barmaı-aq konsýltatsııa alýǵa jáne súıemeldeýge múmkindik beredi.

Densaýlyq saqtaý mınıstrligi málimetinshe, osy jyldyń 11 aıynda medıtsınalyq uıymdar 3,5 mln qashyqtyqtan medıtsınalyq qyzmet kórsetti - bul kórsetilgen kómektiń jalpy kóleminiń 9,03%-y.

Mundaı konsýltatsııalardyń negizgi bóligi aýyl turǵyndaryna qatysty boldy. Bul tek alǵashqy konsýltatsııalar týraly ǵana emes, sonymen qatar qashyqtyqtan baqylaý, dıagnozdardy naqtylaý jáne patsıentterdi súıemeldeý týraly.

Elimizdiń segiz óńirinde 100-den astam medıtsınalyq uıym tartylǵan «Onlaın-medıtsına» pılottyq jobasy iske asyrylyp jatyr. Joba medıtsınalyq kómektiń qoljetimdiligin arttyrýǵa jáne aýmaqtyq teńsizdikti tómendetýge baǵyttalǵan.

Aıta keteıik, bıyl qashyqtan 2,7 mıllıon medıtsınalyq qyzmet kórsetildi.

2026 jyldan bastap medıtsınalyq qyzmetter men dári-dármekter QQS-tan bosatylady.

Statsıonarlardyń medıtsınalyq qyzmetterge arnalǵan tarıfteri qaıta qaralady.