Qazaqstandyqtar Máskeýdegi Quryltaı saılaýynda belsendi daýys berip jatyr
ASTANA. KAZINFORM – Máskeýde turatyn qazaqstandyqtar Qazaqstan Respýblıkasy Elshiliginde ornalasqan №429 saılaý ýchaskesinde belsendi daýys berip jatyr, dep habarlaıdy Kazinform agenttiginiń Reseıdegi menshikti tilshisi.
Reseı aýmaǵynda barlyǵy bes saılaý ýchaskesi ashylǵan: Máskeýde, sondaı-aq Sankt-Peterbýrg, Qazan, Astrahan jáne Omby qalalaryndaǵy Qazaqstannyń Bas konsýldyqtary ǵımarattarynda.
Máskeýlik saılaý ýchaskesinde daýys berý bastalǵannan beri saılaýshylardyń belsendiligi joǵary. Azamattar ózderiniń daýys berý quqyqtaryn júzege asyrý úshin Qazaqstan elshiligine kelip jatyr.
Máskeýdegi saılaý ýchaskesinde daýys bergenderdiń arasynda Eýrazııalyq ekonomıkalyq komıssııa alqasynyń tóraǵasy Baqytjan Saǵyntaev ta boldy.
Baıqaýshylar saılaý ýchaskesindegi saılaý protsesiniń uıymdastyrylýyn joǵary baǵalady. Azamattardy habardar etý, saılaýshylar tizimderin júrgizý, ǵımaratty daıyndaý jáne ýchaskelik saılaý komıssııasynyń jumysyn qoldaý boıynsha tıisti jumystar atap ótildi.
Osyǵan deıin sheteldik sarapshylar Quryltaı saılaýynyń mańyzy týraly pikir bildirdi.
