Qazaqstandyqtar marketpleısterde neni satyp alýǵa qumar

ASTANA. KAZINFORM – Ulttyq statıstıka bıýrosynyń málimetinshe, qazaqstandyqtar 2023 jyly marketpleıster arqyly telefon men gadjetter satyp alýǵa 486 mlrd teńge jumsaǵan.

Sondaı-aq, turmystyq tehnıkaǵa 205 mlrd teńge, kompıýterlerge, noýtbýkterge 178,4 mlrd teńge, avtokólik taýarlaryna 140 mlrd teńge qarajatyn sanap bergen.

Qurylys jáne jóndeý jumystaryna 85,7 mlrd teńge, jıhazǵa 84,9 mlrd teńge ketiripti. Sondaı-aq, qazaqstandyqtar marketpleısterde azyq-túlik, úıge jáne saıajaıǵa arnalǵan taýarlar, kosmetıka, kıim, aıaq kıim jáne sport taýarlaryn satyp alýǵa qumar ekenin atap ótken jón.

Jalpy, 2023 jyly bólshek saýda naryǵynyń kólemi 4,1 trln teńgeni quraǵan. Bul — 2022 jylmen salystyrǵanda 28% - ǵa kóp. Ol kezde kórsetkish 3,1 mlrd teńgeni quraǵan edi. Saýdanyń jalpy kólemindegi elektrondyq saýdanyń úlesi 12,7% teń.

Aıtpaqshy, Kaspi 2023 jyldyń qorytyndysy boıynsha marketpleısten taza paıdany 63% - ǵa ulǵaıtyp, 2022 jylmen salystyrǵanda 248 mlrd teńge tabys tapqan.