Qazaqstandyqtar Londondaǵy bilim kórmesinde birqatar kelisim jasasty
LONDON. KAZINFORM — Elimizde bilim sapasyn arttyrý úshin jasandy ıntellektke súıenetin jetekshi elderdiń ozyq tájirıbesi qoldanylady. Budan bólek brıtanııalyq iri joǵarǵy oqý oryndarynyń fılıaldary ashylmaq, dep habarlaıdy Kazinform agenttiginiń Londondaǵy menshikti tilshisi Ǵalymjan Qaramanuly.
Bett Show 2024 — bilim berý tehnologııalarynyń eń iri kórmesi. Oǵan jahannyń túkpir-túkpirinen sala kóshbasshylary ǵana emes, sondaı-aq 600-den astam ınnovatsııalyq kompanııa ókilderi de qatysyp jatyr.
Qazaqstannyń Oqý-aǵartý mınıstri IT sala ókilderimen jáne Microsoft, Google, Lenovo sııaqty alyp kompanııalardyń basshylarymen kezdesip, kelissóz júrgizdi.
«Jasandy ıntelektini qoldanýdyń qyr-syryn qarastyrýdy, ekinshiden, muǵalimderdi daıyndaýda tsıflyq bilimniń álemdegi kósh bastap turǵan myqty kompanııalar men elderdiń tájirıbesin qoldanýdy josparlap otyrmyz», — deıdi QR Oqý-aǵartý mınıstri Ǵanı Beısembaev.
Qazaqstandyq joǵary oqý oryndary brıtanııalyq áriptesterimen tyǵyz baılanysta jumys istep keledi.
Halyqaralyq kórme aıasynda Narxoz ýnıversıteti men Queen’s University arasynda yntymaqtastyq týraly kelisimge qol qoıyldy.
Aldaǵy ýaqytta Almatyda qos dıplomdyq bilim baǵdarlamasy ashylay.
«Bolashaqta bıznes-menedjment, ekonomıka, qarjy salalary boıynsha mamandar daıyndaımyz. Osy baǵytta birlese jumys isteýge yntyqpyz. Bul áriptestigimizdiń zor jetistikterge jetkizetinine kámil senemiz», — deıdi Queens University Belfast prorektory Nola Hıýıt-Dandas.
Prezıdent tapsyrmasyna sáıkes 2025-jylǵa deıin Qazaqstanda birneshe jetekshi sheteldik joǵarǵy ornyn ashý kózdelgen. Byltyr bul mejege tolyǵymen qol jetkizildi. Qazaqstanda sońǵy 2 jyldyń ishinde 8 jetekshi ýnıversıtettiń fılıaldary ashyldy.
«Stýdentterimizdi brıtanııalyq joǵarǵy oqý oryndaryna jiberýdiń ornyna, kerisinshe, Qazaqstanda sheteldik ýnıversıtetter ashý strategııasy óz jemisin berýde. Máselen, Herrıot-Ýottspen memorandýmǵa qol qoıyldy. Almatyda De-Monfor ýnıversıtetiniń kampýsy ashyldy. Bul úrdis jalǵasyn tabady degen úmittemiz», — deıdi Qazaqstannyń Ulybrıtanııadaǵy elshisi Maǵjan Іlııasov.
Shara aıasynda Ulybrıtanııanyń bilim jáne ǵylym salasynyń resmı ókilderimen kezdesýler ótkizilip, eki el arasyndaǵy yntymaqtastyqty odan ári tereńdetý máseleleri talqylandy. Kórmege qazaqstandyq ustazdar men oqytýshylar, sondaı-aq joǵarǵy oqý oryndarynyń rektorlary qatysty.
