Qazaqstandyqtar lombardtardan 200 mlrd teńge qaryz alǵan

KAZINFORM. ASTANA – Qarjy naryǵyn retteý jáne damytý agenttigi bank qyzmetin retteý saıasatyn jetildirý jónindegi konsýltatıvtik qujattyń jobasyn jarııalady.

Atalmysh qujatta eldegi lombard keńseleriniń halyq moınyndaǵy qaryz mólsherin kóbeıtýdegi róli týraly málimet berilgen.

- Lombardtardyń qyzmeti azamattarǵa jeke paıdalanýǵa arnalǵan múlikti kepilge qoıý arqyly jeke tutyný úshin 8 000 AEK-ke (29,5 mln teńge) deıingi mólsherde qysqa merzimdi mıkrokredıtter berý bolyp otyr. Sonymen qatar, lombardtar quramynda baǵaly metaldar men tastar bar zergerlik buıymdardy esepke alady, saqtaıdy jáne satady. 01.10.24j. jaǵdaı boıynsha lombardtardyń nesıe portfeli 0,2 trln teńge, - dep jazylǵan konsýltatıvtik qujatta.

Eske salsaq, Pavlodardaǵy lombard urlanǵan telefonǵa qaryz bergeni anyqtalǵan edi.