Qazaqstandyqtar kommýnaldyq qyzmetti onlaın baqylaı alady
ASTANA. KAZINFORM — Bıyldan bastap elde qoldanylǵan kommýnaldyq qyzmetterdi baqylap otyrýǵa múmkindik beretin platforma iske qosylyp jatyr. Bul týraly Ónerkásip jáne qurylys vıtse-mınıstri Jánnat Dúbirova málimdedi.
Turǵyn úı-kommýnaldyq sharýashylyq salasynda Smart Turmys tsıfrlyq júıesi engizilip jatyr. Bul — resýrstardy esepke alý júıelerimen biriktirilgen, azamattardyń kommýnaldyq salamen yńǵaıly tsıfrlyq ınterfeıs arqyly ózara is-qımyl jasaýyna arnalǵan biryńǵaı platforma.
— «Smart Turmys» turǵyn úı-kommýnaldyq sharýashylyǵy qyzmetiniń jumysyn ashyq kórsetýge jáne tutynýdy baqylaýdy jeńildetýge baǵyttalǵan, — dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.
«Smart Turmys» júıesi arqyly arqyly sý, elektr, jylý, gazben qamtý jáne turmystyq qaldyqtar qyzmetin qadaǵalaýǵa bolady. Qosymsha eGov platformasy arqyly jumys isteıdi. Sonymen qatar júıege ár baǵyt boıynsha qyzmet kórsetýshi uıymdar ıntegratsııalanady. Atap aıtqanda, keler 2 jylda elde kommýnaldyq saladaǵy qurylǵylardy jappaı ornatý jáne resýrstardy esepke alý jumystary júzege asady.
Aıta keteıik, taıaýda Ulttyq ekonomıka mınıstrliginiń Tabıǵı monopolııalardy retteý komıteti «Energetıkalyq jáne kommýnaldyq sektorlardy jańǵyrtý» ulttyq jobasynyń josparyn tanystyrdy.
Osydan buryn Pavlodarda kommýnaldyq qyzmetti jańǵyrtýǵa 13,6 mlrd teńge jumsalatynyn jazǵanbyz.
Darııa Ǵumar
