Qazaqstandyqtar kólikke VIP-nómir taǵý úshin qansha aqsha jumsaǵan

ASTANA. KAZINFORM – 2023 jyly mamandandyrylǵan Halyqqa qyzmet kórsetý ortalyqtary joǵary suranysqa ıe 30 myńǵa jýyq memlekettik tirkeý nómirin berdi.

«Azamattarǵa arnalǵan úkimet» memlekettik korporatsııasy» KEAQ-tyń baspasóz qyzmetinen málim etkenindeı, kólik ıeleri osyndaı nómirler alý úshin 10 mlrd teńgeden astam qarajat jumsaǵan.

Qazaqstandyqtar 2022 jyly VIP-nómirlerge 7 mlrd teńgeden astam aqshasyn qıǵan edi.

Bir ǵana Batys Qazaqstan oblysynda ótken jyly 248 mln 583,780 myń teńgege suranysy joǵary 851 dana memlekettik tirkeý nómiri berilgen. Shyǵys Qazaqstan oblysynda 63 mln teńgege 217 «sándi» nómir satyp alynsa, almatylyqtar VIP nómir úshin 2,6 mlrd teńge jumsaǵan.

«Qazaqstanda VIP-nómirlerdi satý tájirıbesi 2014 jyly engizilgeni belgili. Satýdan túsken qarjy el bıýdjetine túsedi.

2023 jyly 010, 020, 030, 040, 050, 060, 070, 077, 080, 090, 707 nómirleri eń jyldam satylǵan. Ár nómirdiń baǵasy 57 AEK-ti (2024 jyly – 210 444 teńge) quraıdy. Eń qymbat VIP-nómirler 001, 002, 003, 004, 005, 006, 007, 008, 009, 777 sandary ekenin atap ótýge bolady. Mundaı nómir 285 AEK (2024 jyly – 1 052 220 teńge) turady. Jalpy, 2023 jyly mamandandyrylǵan Halyqqa qyzmet kórsetý ortalyqtarynda respýblıka boıynsha 3,2 mıllıonnan astam kólik tirkelip, 1,1 mıllıon júrgizýshi kýáligi berildi», - dep habarlady «Azamattarǵa arnalǵan úkimet» mekemesinen.