Qazaqstandyqtar kóbinde qaı merekede jaraqat alady
ASTANA. KAZINFORM — Densaýlyq saqtaý mınıstrligi uıymdastyrǵan baspasóz-týr aıasynda BAQ ókilderimen kezdesken N.J.Bátpenov atyndaǵy Ulttyq travmatologııa jáne ortopedııa ortalyǵy dırektorynyń orynbasary Arman Bátpen eldegi jaraqat eń kóp tirkeletin mamandyqtardy atady.
BAQ ókilderi turǵyndar eń kóp jaraqat alatyn meıramdardyń alǵashqy úshtigin suraǵan.
«Jaraqat eń kóp tirkeletin meıramdardyń kóshin Jańa jyl bastap tur. Odan keıin 8 naýryz merekesi. Úshinshi orynda Naýryz merekesiniń demalys kúnderi men mamyr aıyndaǵy meıramdar tur deýge bolady. Biz ár meıramnyń naqty statıstıkasyn bere almaımyz. Óıtkeni biz ondaı statıstıka júrgizbeımiz», — dedi maman.
Sondaı-aq, ol elde eń kóp jaraqat tirkeletin mamandyqtardyń alǵashqy bestigin atady.
«Birinshisi — qurylysshy mamandyǵy. Odan keıin júrgizýshiler kóp jaraqat alady. Úshinshi orynda shahterler bolsa, tórtinshi orynda polıtsııa qyzmetkerleri jıi túsedi. Besinshi — ártúrli qara jumys isteıtin azamattar», — dedi Arman Bátpen.