Qazaqstandyqtar qazan aıynda qansha kún demalady
Qazan aıynda demalys kúnderi men merekeni qosa alǵanda 10 kún demalys bar, dep habarlaıdy QazAqparat.
Bıyl qazannyń alǵashqy kúni jeksenbige tústi. Sondaı-aq búgin, 1 qazanda birneshe mereke atalyp ótýde – Halyqaralyq qarttar kúni jáne Radıo qyzmetkerleri kúni.
Sonymen qatar alda Ustazdar kúni merekesi kele jatyr. Aıta ketsek, bıyl Oqý-aǵartý mınıstrligi 5 qazandy Ustazdar kúni etip bekitti.
Eske salaıyq, 1 qazan jáne 5 qazandaǵy merekelerde demalys jarııalanbaıdy.
Elimizdiń basty merekeleriniń biri – 25 qazan Respýblıka kúni. Bıyl aıtýly mereke jumys kúnine túsip tur. Sondyqtan qazaqstandyqtar sársenbi kúni demalady.
Respýblıka kúni ótken jyly merekeler tizimine qaıta engizilip, ulttyq meıram dárejesi berilgen edi.
Sonymen qazanda aıynda qazaqstandyqtar barlyǵy 10 kún demalady. Kúntizbege sáıkes 9 kún demalys jáne 1 kún mereke.
