Qazaqstandyqtar qazan aıyna deıin Astana men Túrkistannan Samarqandqa usha alady

ASTANA. KAZINFORM —  Túrkistan – Samarqand – Túrkistan baǵyty boıynsha áýe qatynasy 2025 jyldyń 25 qazanyna deıin uzartyldy. Bul týraly QAZAQ AIR (VietJet Qazaqstan) áýe kompanııasy málim etti.

1 qyrkúıekten bastap reıster jańartylǵan keste boıynsha oryndalady. Bul jolaýshylarǵa saparlaryn burynǵydan da yńǵaıly josparlaýǵa múmkindik beredi.

Juma jáne jeksenbi kúnderi:

• IQ 509 reısi, Túrkistan – Samarqand: ushýy – 12:45, kelýi – 14:15

• IQ 510 reısi, Samarqand – Túrkistan: ushýy – 15:05, kelýi – 16:30

• Bir baǵyttaǵy bılet quny 14 000 teńgeden bastalady

Sonymen qatar tranzıttik baǵyt ta qarastyrylǵan:

• Astana – Samarqand (Túrkistan arqyly): ushý – 09:30, kelý – 14:15

 • Samarqand – Astana (Túrkistan arqyly): ushý – 15:05, kelý – 19:20

• Bir baǵyttaǵy bılet quny 41 000 teńgeden bastalady

— Jazǵy maýsym kezinde bul baǵyt qazaqstandyq jáne ózbekstandyq jolaýshylar arasynda turaqty suranysqa ıe boldy. Bul áýe kompanııasynyń reısterdi kúzde de jalǵastyrý týraly sheshim qabyldaýyna negiz boldy. Turaqty reıster Qazaqstan men Ózbekstan arasyndaǵy týrızmdi, mádenı jáne iskerlik baılanysty damytýǵa úles qosady, — dep atap ótti áýe kompanııasy.

Aıta keteıik, buǵan deıin Qazaq Air áýe kompanııasy óz ataýyn VietJet Qazaqstan dep ózgertkeni habarlanǵan bolatyn.