Qazaqstandyqtar qaı elderge vızasyz bara alady

ASTANA. KAZINFORM – Qazaqstan azamattary qandaı elderge vızasyz bara alady jáne ol memleketterde qansha kúnge deıin erkin bola alady.

Shetelge shyǵý tártibi sapardyń maqsatyna jáne azamattyń dıplomatııalyq, qyzmettik nemese jalpy azamattyq pasportyna baılanysty ózgeredi. Bul materıalda jalpy azamattyq pasportpen, ıaǵnı qarapaıym týrıstik nemese qonaqqa barý maqsatyndaǵy saparlarǵa arnalǵan vızalyq talaptardy qarastyramyz.

Osy sanatqa vızasyz barýǵa bolatyn birneshe memleket kiredi. Eń uzaq vızasyz bolý merzimi Grýzııada, onda Qazaqstan azamattary bir jylǵa deıin erkin júre alady. Sonymen qatar qazaqstandyqtar Albanııa, Kolýmbııa, Ázerbaıjan, Belarýs, Mońǵolııa, Reseı, Sent-Kıts pen Nevıs, Brazılııa, Gaıtı, Kosovo, Moldova, Ýkraına, Argentına, Ekvador, Namıbııa, Gambııa, Sent-Vınsent jáne Grenadınada 90 kúnge deıin vızasyz bola alady.

Túrkııa men Týnıske de vızasyz barýǵa bolady. Bul elderde 180 kúnniń ishinde 90 kúnge deıin turýǵa ruqsat berilgen. ıAǵnı jarty jyl ishinde elden birneshe ret shyǵyp qaıta kirýge bolady, alaıda bolý kúnderi qosylyp esepteledi. Jıyntyq kórsetkish 90 kúnge jetkende vızasyz kirý múmkindigi toqtatylady.

Vızasyz 30 kúnge deıin Bosnııa jáne Gertsegovına, Brazılııa, Vetnam, Qatar, Qytaı, Malaızııa, Maldıv araldary, BAÁ, Seıshel araldary, Serbııa, Tájikstan, Ózbekstan, Fılıppın, Ońtústik Koreıa, Domınıkan Respýblıkasy, ıAmaıka, Vanýatý, Mıkronezııa, Tonga, Oman elderine bara alasyz. Marokkoda 180 kúnniń ishinde 30 kún bolýǵa ruqsat. Vızasyz 14 kúnge Gonkong pen Iranǵa kire alasyz. 180 kúnge – Armenııa, Antıgýa jáne Barbýda eli jiberedi. Barbados vızasyz 28 kúnge qabyldaıdy, Kýk araldary – 31 kúnge, Taıland – 60 kúnge.

Keıbir elderge kelgen boıda vıza alý qajet. Mundaı elderge Bangladesh, Shyǵys Tımor, Kambodja, Indonezııa, Shrı-Lanka, ıAmaıka, Palaý, Tımor-Leshtı, Tývalý, Maldıv araldary, Býrýndı, Mysyr, Komor araldary, Namıbııa, Marshall araldary, Samoa, Bangladesh, Madagaskar jatady.

Sondaı-aq keıbir baǵyttarda saparǵa shyǵardan 2-7 kún buryn onlaın elektrondy vıza rásimdeý múmkindigi bar. Mysaly, Ońtústik Koreıada 30 kúnge deıin bolý úshin aldyn ala K-ETA elektrondy ruqsaty qajet. Úndistanǵa qajetti kúnderge arnalǵan týrıstik e-visa talap etiledi. Vetnamda Hanoı, Halong jáne jaǵajaılardy zertteý úshin 30 kúndik E-visa kerek, al Saýd Arabııasynda tarıhı oryndar men zamanaýı qalalardy kórý úshin de E-visa qajet.

Al qalǵan elderge barý úshin mindetti túrde vıza alý kerek. Olar: Avstralııa, Avstrııa, Aljır, Angola, Aýǵanstan, Bagam araldary, Bahreın, Belgııa, Belız, Benın, Bırma (Mıanma), Bolgarııa, Bolıvııa, Botsvana, Brýneı, Býrkına-Faso, Býtan, Vatıkan, Ulybrıtanııa, Majarstan, Venesýela, Gabon, Gaıana, Gana, Gvatemala, Gvıneıa-Bısaý, Gvıneıa Respýblıkasy, Germanııa, Gondýras, Grekııa, Grenada, Danııa, Djıbýtı, Domınıka, Mysyr, Zımbabve, Izraıl, Iordanııa, Irak, Irlandııa, Islandııa, Ispanııa, Italııa, Iemen, Kabo-Verde, Kamerýn, Kanada, Kenııa, Kıpr, Kırıbatı, Kongo, Kongo-Kınshasa, Kosta-Rıka, Kot-d Ivýar, Kýba, Kýveıt, Laos, Latvııa, Lesoto, Lıberııa, Lıvan, Lıvııa, Lıtva, Lıhtenshteın, Lıýksembýrg, Mavrıtanııa, Malavı, Malı, Malta, Meksıka, Mozambık, Monako, Naýrý, Nepal, Nıger, Nıgerııa, Nıderlandy, Jańa Zelandııa, Norvegııa, Pákistan, Panama, Papýa - Jańa Gvıneıa, Paragvaı, Perý, Polsha, Portýgalııa, Rýanda, Rýmynııa, Samoa, San-Tome jáne Prınsıpı, Soltústik Makedonııa, Senegal, Sent-Lıýsııa, Sıngapýr, Sırııa, Slovakııa, Slovenııa, Solomon araldary, Somalı, Sýdan, Sýrınam, AQSh, Serra-Leone, Tanzanııa, Trınıdad jáne Tobago, Túrikmenstan, Ýganda, Ýrýgvaı, Fınlıandııa, Frantsııa, Horvatııa, Ortalyq Afrıka Respýblıkasy, Chad, Chernogorııa, Chehııa, Chılı, Shveıtsarııa, Shvetsııa, Ekvatorlyq Gvıneıa, El-Salvador, Erıtreıa, Esvatını, Estonııa, Efıopııa, OAR, Ońtústik Sýdan, Japonııa.

Buǵan deıin EO úshinshi eldermen vızasyz saıahatqa qatysty erejelerdi qatańdaǵanyn jazǵanbyz.

Aıta keteıik, Qazaqstanda emdelýge tsıfrlyq vıza alý 48 elge qoljetimdi.