Qazaqstandyqtar qandaı jaǵdaıda birneshe jerde jumys isteı alady

ASTANA. KAZINFORM – QR Eńbek jáne halyqty áleýmettik qorǵaý mınıstri Svetlana Jaqypova qazaqstandyqtar qandaı jaǵdaıda birneshe jerde jumys isteı alatynyn aıtty, dep habarlaıdy Kazinform tilshisi.

Mınıstrdiń aıtýynsha, elde birneshe jerde eńbek etýge ruqsat etilgen, alaıda belgili bir shekteýler bar.

– Tek eki jerde ǵana emes, tórt jerde de jumys isteýge bolady. Eń basty talap – táýliktik jalpy jumys ýaqyty 12 saǵattan aspaýy tıis. Mysaly, negizgi jumys ýaqyty 6 saǵat bolatyn medbıkeler nemese dárigerler eki jerde jumys isteı alady. Aıtalyq, klınıngtik kompanııa qyzmetkerleriniń de birneshe qyzmetti qatar alyp júrýge múmkindigi bar. Mysaly, adam bir nysandy 4 saǵatta tazalap úlgerse, ol úsh jerde eńbek ete alady. Biraq Eńbek Kodeksine sáıkes, táýliktik jalpy jumys ýaqyty 12 saǵattan aspaýy kerek, – dedi mınıstr.

Eske sala keteıik, buǵan deıin dál osy máselene qatysty zańger pikir bildirgen edi.