Qazaqstandyqtar Halyk Bank qosymshasyndaǵy aqaýǵa shaǵymdandy
ASTANA. KAZINFORM — Halyk Bank mobıldi qosymshasynyń jumysynda aqaý baıqaldy. Paıdalanýshylar jeke kabınetine kirip, tólem jasaý jáne aqsha aýdarý qyzmetterin paıdalana almaı otyr.
Qosymshaǵa kirmek bolǵan kezde ekranda «Júıelik qate. Paıdalanýshy derekteri tabylmady. Keıinirek qaıtalap kórińiz» jáne «Kirý ýaqytsha shekteldi» degen habarlamalar shyǵady.
Halyk Bank ókilderi servısterdiń jumysynda ýaqytsha aqaý baryn rastady.
— Qazirgi ýaqytta tehnıkalyq jumystar júrgizilip jatyr. Osyǵan baılanysty keıbir servısterdiń jumysynda ýaqytsha aqaý bolýy múmkin. Jaqyn arada barlyq qyzmet qaıta qoljetimdi bolady. Keltirilgen qolaısyzdyq úshin keshirim suraımyz, — dep habarlady bank.
Eske sala keteıik, 2026 jyldyń qańtarynda Halyk Super App qoldanýshylary da qosymshanyń jumysynda aqaý bolǵanyn habarlaǵan edi. Sol kezde bank ýaqytsha shekteýler júıege túsetin júktemeniń artýyna baılanysty bolýy múmkin ekenin túsindirgen.
