Qazaqstandyqtar ǵylymı taǵylymdamaǵa 13 qarashaǵa deıin ótinish bere alady
ASTANA. KAZINFORM — «Ǵylymı taǵylymdamalar» baǵdarlamasy boıynsha konkýrstyq irikteýge qatysý úshin qujat qabyldaý merzimi 2026 jylǵy 13 qarashaǵa deıin uzartyldy. Úmitkerler ótinishti eGov.kz arqyly onlaın nemese Astanadaǵy Halyqaralyq baǵdarlamalar ortalyǵyna baryp tapsyra alady. Bul týraly «Halyqaralyq baǵdarlamalar ortalyǵy» AQ málim etti.
— Qurmetti úmitkerler! «Ǵylymı taǵylymdamalar» baǵdarlamasy boıynsha konkýrstyq irikteýge qatysý úshin qujattardy qabyldaý merzimi 2026 jylǵy 13 qarashaǵa deıin uzartylǵanyn habarlaımyz, — delingen habarlamada.
Qujattardy eki tásilmen tapsyrýǵa bolady:
• Onlaın — eGov.kz elektrondyq úkimet portaly arqyly:
• Oflaın — «Halyqaralyq baǵdarlamalar ortalyǵy» AQ-na jeke kelý arqyly.
Qujattardy qabyldaý mekenjaıy: Astana qalasy, Syǵanaq kóshesi, 70., «Syǵanaq» bıznes ortalyǵy, 5-qabat, 508-kabınet.
Baǵdarlamaǵa qatysý talaptary, qajetti qujattar tizbesi jáne ózge de tolyq aqparat «Halyqaralyq baǵdarlamalar ortalyǵy» AQ resmı saıtynda qoljetimdi.
