Qazaqstandyqtar el ishinde jıi saıahattaı ma: jańa statıstıka
ASTANA. KAZINFORM — Qazaqstanda ishki týrıster sany jeti jylda 3,37 mln adamǵa artty.
— 2019 jyly elimizdegi ornalastyrý oryndarynyń qyzmetin 5,29 mln ishki týrıst paıdalansa, 2025 jyly bul kórsetkish 8,66 mln adamǵa jetti. Osylaısha, jeti jyl ishinde el ishinde saıahattaıtyn azamattar sany 3,37 mln adamǵa artty, — delingen habarlamada.
Sonymen qatar Qazaqstannyń 2029 jylǵa deıingi Ulttyq damý josparynda ishki týrıster sanyn 11 mln adamǵa jetkizý mindeti belgilengen. Osy maqsatta týrıstik salany damytýdyń jańartylǵan tujyrymdamasy aıasynda alty baǵyt boıynsha 66 is-shara qarastyrylǵan. Negizgi basymdyqtar — ınfraqurylymdy jetildirý, ınvestıtsııa tartý, týrıstik ónimderdi damytý jáne qyzmet kórsetý sapasyn arttyrý.
Qazaqstanda ishki týrızmniń ósýine ne áser etti? Bul úrdis qazaqstandyqtardyń saıahattaý ádetiniń ózgerýin kórsete me, álde sheteldik demalysqa balama izdeýmen baılanysty ma? Týrızm naryǵyndaǵy ózgerister men jańa baǵyttar týraly Kazinform tilshisiniń materıalynan oqyńyz.
