Qazaqstandyqtar bir kúnde alǵashqy AES-ke 10 myńǵa jýyq ataý usyndy

ASTANA. KAZINFORM – Bir táýlik ishinde eGov Mobile qosymshasy arqyly Qazaqstandaǵy alǵashqy atom elektr stantsııasyna ataý berý boıynsha 9 945 usynys kelip tústi.

Bul týraly Atom energııasy agenttigi habarlady.

Aıta keteıik, AES-ke eń úzdik ataý berý jónindegi jalpyhalyqtyq konkýrs 25 qyrkúıek kúni saǵat 12:00-de bastaldy. Oǵan qatysý eGov Mobile mobıldi qosymshasy arqyly júrgiziledi: basty bette «AES-ke ataý usynyńyz» degen banner ornalastyrylǵan.

Bastamanyń maqsaty – bolashaq stantsııanyń tarıhı, mádenı jáne ulttyq mańyzyn aıqyndaıtyn ataýdy tańdaý.

Baıqaýǵa elimizdiń kez kelgen turǵyny qatysa alady. Ol úshin:

- tildi tańdaý (qazaq nemese orys);

- ataýdyń óz nusqasyn usyný;

- qajet bolǵan jaǵdaıda onyń mánin qysqasha túsindirý;

- konkýrstyń resmı erejelerimen tanysqanyn rastaý qajet.

Usynystar 2025 jylǵy 10 qazan saǵat 23:59-ǵa deıin qabyldanady. Konkýrstyń erejelerimen QR Atom energııasy jónindegi agenttiginiń resmı saıtynda jáne vedomstvonyń áleýmettik jelilerindegi paraqshalarynda tanysýǵa bolady.

Uıymdastyrýshylar elimizdiń barlyq azamatyn energetıkasy tarıhyna úles qosyp, Qazaqstandaǵy alǵashqy AES-ke ataý usynýǵa shaqyrady.

Aıta keteıik, 25 qyrkúıek kúni saǵat 12:00–de Qazaqstanda alǵashqy atom elektr stantsııasyna úzdik ataý berý boıynsha jalpyhalyqtyq konkýrs bastaldy.