Qazaqstandyqtar bir kún boıy onkologke joldamasyz tegin qarala alady
ASTANA. KAZINFORM — Senbi kúni, 28 naýryzda Qazaqstan Respýblıkasynyń barlyq óńirlik, qalalyq jáne oblystyq onkologııalyq ortalyqtarynda Biryńǵaı ashyq esik kúni ótedi, dep habarlaıdy DSM baspasóz qyzmeti.
Іs-shara onkologııalyq syrqattanýshylyq pen ólimdi tómendetý, sondaı-aq halyqqa mamandandyrylǵan medıtsınalyq kómektiń qoljetimdiligin arttyrý jónindegi memlekettik saıasatty iske asyrý sheńberinde uıymdastyrylyp otyr.
Bul kúni jetekshi onkolog dárigerler azamattardy ýchaskelik dárigerdiń joldamasynsyz jáne aldyn ala jazylýsyz tegin qabyldaıdy.
Negizgi nazar kelesi aýrýlardy erte anyqtaýǵa aýdarylady:
• jatyr moıny obyry;
• kolorektaldyq obyr;
• búırektiń qaterli isikteri.
Ashyq esik kúni sheńberinde:
• onkologııalyq aýrýlardyń profılaktıkasy jáne erte dıagnostıkasy boıynsha konsýltatsııalar beriledi;
• alǵashqy belgiler túsindiriledi;
• dıagnostıka men emdeýdiń zamanaýı ádisteri týraly aqparat usynylady.
Qabyldaý 09:00–den 13:00–ge deıin deıin júrgiziledi.
Ózińizben birge kelesi qujattardy alyp kelý qajet:
• jeke kýálik;
• bar bolǵan jaǵdaıda — buryn júrgizilgen tekserýlerdiń nátıjeleri (ÝDZ, KT, MRT, medıtsınalyq qorytyndylar).
— Іs-sharanyń maqsaty — qaterli isikterdi erte kezeńde anyqtaý, óıtkeni dál osy kezeńde emdeý eń tıimdi bolyp, ómir sapasyn joǵary deńgeıde saqtaýǵa múmkindik beredi. Densaýlyq saqtaý mınıstrligi azamattardy óz densaýlyǵyna muqııat qaraýǵa, alańdatatyn belgilerdi elemeýge jáne der kezinde dárigerge qaralýǵa shaqyrady. Anyqtama úshin baılanys: +7 777 297 52 45, — delingen habarlamada.
Budan buryn Qazaqstanda onkologııalyq aýrýdyń aldyn alýǵa arnalǵan qospa ázirlenip jatqany belgili boldy.
