Qazaqstandyqtar batystaǵy úsh qalaǵa alǵan áýe bıletiniń aqshasyn tolyq qaıtara alady

ALMATY. KAZINFORM – Eldegi sý tasqynyna baılanysty Air Astana birqatar shara qabyldady.

«Elimizdiń birqatar óńirindegi sý tasqynyna baılanysty Air Astana áýekompanııasy jolaýshylarǵa 21 sáýirdi qosa alǵanda josparlanǵan Atyraý, Aqtóbe jáne Oral qalalaryna barlyq reıs úshin satyp alý orny boıynsha qarajatty tolyq qaıtarýdy usynady», - delingen habarlanǵan.

Áýekompanııanyń málimetinshe, jolaýshylarǵa yńǵaıly jaǵdaı jasap, olarǵa aıyppulsyz 15 mamyrǵa deıin qaıta brondaý múmkindigi berilmek. 

«Air Astana toby qajet bolǵan jaǵdaıda zardap shekkenderge ushý múmkindigin qamtamasyz etý úshin tasymaldaý syıymdylyǵyn 2 500-den astam orynǵa arttyryp, Atyraýdan qosymsha 14 reıs iske qosty», - dep habarlaıdy áýe kompanııadan.