Qazaqstandyqtar bankterdiń «ekologııalyq qamqorlyǵy» úshin qansha tóleıdi

ASTANA. KAZINFORM – Halyk bank bıznes-klıentter úshin qaǵaz nusqadaǵy tólem qujattaryn óńdeý tarıfterin kóterdi. Osy oraıda Kazinform agenttiginiń tilshisi basqa da bankterge habarlasyp, osy qyzmet quny qansha ekenin anyqtady.

Atap aıtqanda, ekinshi deńgeıli bankterdiń keıbirinde mundaı qyzmet túri joq eken. Bankterdegi tarıfter kelesideı:

• TsentrKredıt Banki (BCC) – 3000 teńge;

• Jusan bank – 1500 teńge;

• Kaspi bank – osyndaı qyzmet qarastyrylmaǵan;

• Forte bank – 5 mln teńgeden astam aýdarymdar úshin 3000 teńge jáne 5 mln teńgeden az aýdarǵan kezde somadan 0,5%;

Halyk bank – 5 myń teńge, APS-mór/Qprint qoldanǵan kezde 2 myń teńge.

Bankter bul qyzmettiń tarıfterin ázirge ózgertýdi josparlamaıtynyn habarlady. Eger tarıfter kóterilse, olar bul týraly mindetti túrde habarlaıtynyn málimdedi.

Buǵan deıin «Qazaqstan Halyq banki» AQ 4 shildeden bastap bıznes klınetteri úshin jańa tarıf engizetini habarlandy. Sol kezde bank tarıfterdiń kóterilýi klıentterdi barynsha ekologııalyq ári qolaıly tsıfrlyq servıske kóshýge yntalandyrýǵa baǵyttalǵanyn túsindirdi. Bul ózgerister aıasynda qaǵaz nusqadaǵy qujattardy azaıtý eskerilgen.