Qazaqstandyqtar balyq pen teńiz ónimderin az tutyna bastady
ASTANA. KAZINFORM – Byltyr 2022 jylmen salystyrǵanda nan men jarma, balyq pen teńiz jáne maı men tońmaıdan basqa azyq-túlik ónimderiniń negizgi toptary boıynsha tutyný kórsetkishiniń óskeni baıqaldy.
Ótken kezeńderdegideı úı sharýashylyqtarynyń tutyný shyǵystarynda azyq-túlik satyp alýǵa jumsalatyn shyǵystardyń eń kóp úlesi et jáne et ónimderine (17%), nan men jarma ónimderine (7,9%) tıesili.
Et pen et ónimderin tutynýdyń eń joǵary deńgeıi Atyraý, Aqmola, Jetisý oblystarynda, al eń tómeni Shymkent qalasynda baıqaldy.
2023 jyly halyqtyń jan basyna shaqqandaǵy azyq-túlik ónimderiniń jekelegen túrleri boıynsha aıyna ortasha alǵanda tutynýy:
kartop – 3,7 kg
nan, І suryp – 2,4 kg
sıyr eti – 2,1 kg
alma – 1,6 kg
qumsheker – 1,5 kg
kúrish – 1,3 kg
sút – 1,1 l
aıran – 1 l
jumyrtqa – 16,8 dana
makaron – 0,9 kg
jańa aýlanǵan nemese salqyndatylǵan balyq – 0,8 kg
qara shaı – 0,1 kg
Anyqtama: Azyq-túlik ónimderin tutynýy boıynsha derekter turmys deńgeıi boıynsha 12 000 úı sharýashylyǵyn iriktep zertteý nátıjeleri boıynsha eseptelgen.
