Qazaqstandyqtar balalardy jazǵy lagerge jiberýge qansha qarjy jumsaıdy
ASTANA. KAZINFORM – Elimizde qala syrtyndaǵy lagerlerge jiberý quny 30 000 teńgeden bastalyp, 400 000 teńgege deıin jetti. Joldama baǵasy balanyń qansha kún lagerde bolatynyna, jatyn orny men baǵdarlamasyna baılanysty ózgerip otyrady, dep habarlaıdy Kazinform tilshisi.
Balalarǵa arnalǵan jazǵy lager quny Oral, Shymkent jáne Almaty qalalarynda joǵary. Bul qalalarda keıbir maýsymdyq joldama baǵasy 240 – 400 myń teńge aralyǵynda bolady. Árıne, baǵdarlamasy jan-jaqty, sonyń ishinde til úıretýge basymdyq berse, shyǵarmashylyq sheberlik sabaqtary kiristirilse quny ózgeshe. Bul lagerler kelýshilerdiń damýyna basymdyq beredi.
Astana, Kókshetaý, Qonaev, Qaraǵandy, Taraz jáne Túrkistan qalalarynda baǵa ortasha. Munda jazǵy demalysty 100 – 250 myń teńgege uıymdastyryp beredi. Baǵaǵa qansha kúnge josparlaǵanyńyz ben lager jaǵdaıy áser etedi.
Atyraý, Petropavl, Taldyqorǵan jáne Óskemen qalalarynda baǵa 30-55 myń teńgeden bastalady. Bir maýsymnyń uzaqtyǵy – 7-10 kún.
Baǵaǵa tańdaý kúnderi ǵana emes, lagerdegi ınfraqurylym, tamaǵy jáne ornalasý orny men baǵdarlamasy áser etedi.
Qala syrtyndaǵy lagermen qosa elimizdiń barlyq óńirinde derlik taqyryptyq, til úıretý, sporttyq, shyǵarmashylyq jáne IT-lagerler jumys istep jatyr.
Sonymen birge jazda mektep janyndaǵy jáne kúndizgi lagerler ashylady. Bul qoljetimdi usynys.
Buǵan deıin Qazaqstanda saıabaqtaǵy attraktsıonda kóńil kóterý baǵasy týraly jazyldy.
