Qazaqstandyqtar Aıdyń tutylýyn baqylap otyr
ASTANA. KAZINFORM — Fesenkov atyndaǵy astrofızıka ınstıtýty mamandarynyń málimetinshe, 7 qyrkúıek kúni saǵat 21:26-da Aı Jerdiń jartylaı kóleńkesine ene bastady.
Tolyq faza 22:29-da bastalyp, 23:53-te aıaqtalady. Al tutylýdyń ózi 8 qyrkúıek saǵat 00:56-da tolyq aıaqtalady.
Aı tolyq fazada 1 saǵat 22 mınýt bolady jáne qyzǵylt túske boıalýy múmkin. Qazaqstandyqtar 2022 jyldan bergi eń uzaq Aıdyń tutylýyn 5,5 saǵat boıy baqylaıdy.
Tutylý kezinde Aı sur-qyzyl reńkke ıe bolýy múmkin, adamdar ony «Qandy Aı» dep ataıdy. Astronomdar bul qubylysty fızıka jáne atmosferalyq optıka zańdarymen túsindiredi.
- Bul Releıdiń shashyraýy dep atalatyn belgili qubylys: qysqa jaryq tolqyndary (kók jáne jasyl) Jer atmosferasynda shashyrańqy, al uzyndary (qyzyl jáne qyzǵylt sary) odan ári ótip, synady, Aıdyń betine jetedi. Negizinde bul áser kún batqandaǵy qyzyl túske uqsaıdy jáne munda mıstıkalyq assotsıatsııalar joq, - deıdi sarapshylar.
Reseıdiń eýropalyq bóliginiń turǵyndary kúnniń jartylaı tutylýyn kóre alatynyn jazǵan edik.