Qazaqstandyqtar arnaıy kýrstar arqyly suranysqa ıe IT-mamandyqtardy ıgere alady

ASTANA. KAZINFORM — Qazaqstanda jasandy ıntellekt salasynda keń aýqymdy IT-bilim berý baǵdarlamalary jumys istep jatyr. JI mınıstrliginiń málimetinshe, baǵdarlamalar tek stýdenttermen shektelmeı, barlyq azamattarǵa tsıfrlyq salada mansap bastaýǵa múmkindik beredi.

– Aýqymdy aýdıtorııa úshin Tech Orda, QazCoders jáne Yandex kýrstaryn qosa alǵanda, onlaın-kýrstar men akseleratsııalyq baǵdarlamalar qoljetimdi. Bul baǵdarlamalar qazaqstandyqtarǵa suranysqa ıe IT-mamandyqtardy meńgerip, tsıfrlyq salada mansap bastaýǵa múmkindik beredi, – deıdi QR Jasandy ıntellekt jáne tsıfrlyq damý mınıstrligi Kazinform tilshisiniń resmı saýalyna bergen jaýabynda.

Baǵdarlamalar jasandy ıntellekt boıynsha bazalyq jáne tereńdetilgen bilimdi meńgerýge baǵyttalǵan. Tech Orda aıasynda myńdaǵan adam bilim aldy, al AI Sana baǵdarlamasy arqyly 570 myńnan astam stýdent sertıfıkatqa ıe bolǵan.

– Oqýshylar men stýdentter úshin TUMO, Tomorrow School, AI Sana jáne AI OLYMP baǵdarlamalary, sondaı-aq Day of AI bastamasy engizilip jatyr. Bul baǵdarlamalar jasandy ıntellekt salasyndaǵy bazalyq jáne tereńdetilgen bilimdi meńgerýge, sondaı-aq tsıfrlyq daǵdylardy damytýǵa baǵyttalǵan, – delingen resmı jaýapta.

Aıta keteıik, aldaǵy ýaqytta 100 myń stýdent jasandy ıntellekt boıynsha tereńdetilgen kýrstardy oqıdy.