Qazaqstandyqtar arnaıy chat-bot arqyly úıden shyqpaı-aq zań keńesin alýy múmkin
ASTANA. KAZINFORM – Ádilet mınıstri Erlan Sársembaev Úkimet otyrysynda zań keńesin tegin beretin chat-botty iske qosýdy usyndy
- Azamattardyń óteýsiz negizde quqyqtyq keńes alý tetigi pysyqtalýda. Qazir memleket kepildik bergen zań kómegi aıasynda keńes alý úshin azamattar advokattarǵa nemese zań keńesshilerine júginedi. Bul rásimdi ońtaılandyrý úshin azamattarǵa «úıden shyqpaı» keńes berýge arnalǵan chat-botty engizý usynylady, - dedi Erlan Sársembaev.
Al quqyq keńesterin berýden bosaǵan qarajatty sot ókildigine eńbekaqy tóleý tarıfterin ulǵaıtýǵa jiberý usynylyp otyr.
- Zań konsýltantynyń qyzmeti boıynsha mamandyqqa kirý, azamattyǵyna qatysty talaptardy, biryńǵaı standartty, sapa ólshemshartyn, Zańgerdiń kásibı ádep kodeksin bekitý pysyqtalyp jatyr, - dedi mınıstr.
Aıta keteıik, keıingi úsh jylda notarıýstardyń qyzmeti 28% qymbattaǵan.