Qazaqstandyqtar arasynda atys qarýynyń qaı túrine suranys joǵary

ASTANA. KAZINFORM – Qazaqstan zańdary bir otbasynda neshe atys qarýyn saqtaýǵa ruqsat beredi? Kazinform Іshki ister mınıstrligine osyndaı saýal joldady.

 Пьяный мужчина носил с собой сумку с оружием в Павлодаре
Фото: pixabay.com.

- Zańda bir otbasyna qarý ıelený normasy qarastyrylmaıdy. Qarýdy satyp alý ruqsaty jeke tulǵaǵa beriledi.

«Jekelegen qarý túrleriniń aınalymyna memlekettik baqylaý jasaý týraly» Zańǵa sáıkes Qazaqstan Respýblıkasynyń azamaty satyp alǵan qarýdyń jalpy sany: ańshylyq oıyq uńǵyly qarýy – eki birlikten; tegis uńǵyly – eki birlikten; ózin-ózi qorǵaý qarýy, onyń ishinde tegis uzyn uńǵyly atys qarýy ne gazdy tapanshalar, revolverler ne elektrli qarý – eki birlikten aspaýǵa tıis, - dep jazylǵan jaýapta.

Sondaı-aq mınıstrlik mamandary qazaqstandyqtar arasynda ań aýlaýǵa arnalǵan tegis uńǵyly atys qarýyna suranys joǵary ekenin aıtady.

- Olardyń qandaı túri men markalary suranysqa ıe ekenin, qarý ıesiniń tańdaýyna baılanysty dep paıymdaımyz. Sebebi qarý-jaraq dúkenderinde ártúrli qarý úlgileriniń úlken spektri usynylady, - delingen mınıstrlik málimetinde.

Osyǵan deıin elimizde kimderge úıinde qarý ustaýǵa tyıym salynǵany týraly jazǵan edik.

 

Сейчас читают