10:41, 30 Naýryz 2024 | GMT +6
Qazaqstandyqtar 7-20-25 arqyly 999 mlrd teńgege ıpoteka rásimdegen
ASTANA. KAZINFORM — «7-20-25» baǵdarlamasy aıasynda bas-aıaǵy 73 161 qaryz berildi. Bul jaıynda Ulttyq banktiń baspasóz qyzmeti habarlady.
2024 jylǵy 28 naýryzdaǵy jaǵdaı boıynsha, «7-20-25» baǵdarlamasyn iske asyrý aıasynda 999 mlrd teńgege 73 161 nesıe berilgen.
Eń kóbi Astanada — 418,2 mlrd teńge. Odan keıingi oryndarda 231,7 mlrd teńgemen Almaty jáne 67,5 mlrd teńgemen Shymkent tur.
«7-20-25» baǵdarlamasy boıynsha suraqtaryńyz bolsa, Qazaqstannyń ornyqtylyq qoryna + 7 (727) 227-20-25 nómirine habarlasýǵa bolady.
Sonymen qatar, ıpotekalyq uıymnyń resmı ınternet-resýrsynda qosymsha aqparatpen tanysa alasyz.
