Qazaqstandyqtar 2,3 mln taýardy mobıldi qosymsha arqyly teksergen
ASTANA. KAZINFORM – Qazaqstandyqtar mobıldi qosymsha arqyly 2,3 mln-ǵa jýyq taýardyń túpnusqalyǵyn teksergen. Bul týraly QR Saýda jáne ıntegratsııa vıtse-mınıstri Áset Núsipov OKQ-da ótken brıfıngide málimdedi.
Taýardyń tańbalanýy men shyǵý tegin tekserýge múmkindik beretin «Naqty ónim» mobıldi qosymshasy búginde 55 myńnan astam ret júktelgen.
– Búginde qosymsha 55 myńnan astam ret júkteldi. Al paıdalanýshylar tańbalaý kodtary arqyly 2,3 mln-ǵa jýyq taýardyń túpnusqalyǵyn teksergen. Ol úshin tutynýshyǵa taýardyń qaptamasyna basylǵan Data Matrix kodyn skanerleý jetkilikti. Osydan keıin ónim týraly tolyq aqparat, onyń ishinde taýardyń qozǵalysy týraly málimet qoljetimdi bolady, – dedi Áset Núsipov.
Vıtse-mınıstrdiń aıtýynsha, eger taýarda mindetti tańbalaý kody bolmasa, kod búlingen nemese qosymsha arqyly oqylmasa, tutynýshy bul týraly tikeleı «Naqty ónim» arqyly habarlaı alady.
– Bul ótinish belgilengen tártippen memlekettik organ tarapynan qaralady. Biryńǵaı operatordyń málimetine sáıkes, búginde tutynýshylardan tańbalaý talaptarynyń buzylýyna qatysty qosymsha arqyly 10 myńǵa jýyq ótinish kelip túsken, – dedi ol.
Aıta keteıik, Qazaqstanda jeńil ónerkásip taýarlaryn mindetti tsıfrlyq tańbalaý 2026 jylǵy 1 jeltoqsannan bastap kezeń-kezeńimen engiziledi.
Aıta keteıik, mindetti tańbalaý kóleńkeli aınalymǵa qalaı áser etetinin jazǵanbyz.
