Qazaqstandyqtar naýryz aıynda neshe kún demalady

ASTANA. KAZINFORM – Naýryz aıy qazaqstandyqtar úshin demalysqa eń kóp aılardyń biri bolady: bes kúndik jumys aptasynda 13 kún, al alty kúndik jumys aptasynda – toǵyz kún demalys bolady.

Naýryz aıynda qazaqstandyqtar tórt senbi, bes jeksenbi jáne Halyqaralyq áıelder kúni men Naýryz merekesine baılanysty qosymsha tórt kún demalady. Bes kúndik jumys aptasynda barlyǵy 13 kún demalys beriledi. Alty kún jumys isteıtinder úshin demalys toǵyz kúnge deıin qysqarady. 

2026 jyly 8 naýryz – Halyqaralyq áıelder kúni jeksenbige túsip otyr. Demalys kúnine sáıkes keletindikten, ol 9 naýryzǵa aýystyrylady.

Sondyqtan bes kúndik jumys aptasynda qazaqstandyqtar 7, 8 jáne 9 naýryz kúnderi demalsa, al alty kúndik jumys aptasynda - 8 jáne 9 naýryz kúni demalady (7 naýryz - senbi). 

Qazaqstandyqtar Naýryz merekesinde dástúrli túrde 21-23 naýryz aralyǵynda demalady.

Alaıda bıyl 21 jáne 22 naýryz senbi jáne jeksenbige túsip otyr, sondyqtan aýystyrý erejelerine sáıkes, qosymsha taǵy eki kún qosylady – 24 jáne 25 naýryz. 

Bes kúndik jumys aptasynda qazaqstandyqtar Naýryz merekesinde bes kún – 21-25 naýryz aralyǵynda, al alty kúndik jumys aptasynda tórt kún – 21-24 naýryz aralyǵynda demalady.

Aıta keteıik, bul aıda oqýshylar úshin kóktemgi demalys ta bastalyp, 10 kúnge sozylady – 19 naýryzdan 29 naýryzǵa deıin.