Qazaqstandyqtar 11 elde QR-kodpen tólem jasaý múmkindigine ıe bolmaq
ASTANA. KAZINFORM — Ulttyq bank 11 memleketpen QR-kod arqyly transshekaralyq tólem jasaý múmkindigin iske qosýdy kózdep otyr. Bul týraly Ulttyq bank tóraǵasynyń orynbasary Bınur Jálenov málim etti.
— Biz pysyqtap jatqan tizimde 11 memleket bar. Barlyǵyn atap ótpeı-aq qoıaıyn. Olardyń qatarynda Qytaı, Birikken Arab Ámirlikteri, Ózbekstan bar. Ótken aptada Qyrǵyzstanmen, Úndistanmen memorandýmǵa qol qoıdyq. Osy elderdiń árqaısysymen tıisti jol kartamyz ázirlengen, — dedi Bınur Jalenov Úkimet otyrysynan keıingi baspasóz máslıhatynda.
Onyń málimetinshe, jobalardy iske qosý merzimi ár el boıynsha ártúrli bolady. Keıbir memlekettermen testileý jáne pılottyq jobalardy bastaý 2026 jyldyń sońyna deıin josparlanyp otyr. Mundaı jumystar Qytaımen júrgiziledi.
— Eger testileý men pılottyq joba sátti ótse, onda qazaqstandyqtar kelesi jyly Qytaıda kez kelgen banktiń mobıldi qosymshasy arqyly QR-kodpen tólem jasaý múmkindigine ıe bolady. Óz kezeginde Qytaı azamattary da Qazaqstanda osyndaı múmkindik alady, — dedi ol.
Buǵan deıin elimizde QR-tólemderdi QQS-tan bosatý máselesi pysyqtalyp jatqanyn jazǵan edik.
