Qazaqstandyqtar 1 jyldan asa ýaqytta bás tigý arqyly 4 trln teńgesinen aıyrylǵan

ASTANA. KAZINFORM – Qarjy mınıstrliginiń málimetinshe, Qazaqstanda shamamen 700 myńǵa jýyq azamat býkmekerlik keńseler arqyly turaqty túrde bás tigedi. Bul týraly Qarjy vıtse-mınıstri vedomstvoda ótken tsıfrlyq jobalardyń tanystyrylymynda habarlady.

Erjan Birjanovtyń sózinshe, zańnamaǵa engizilgen ózgeristerden keıin býkmekerlik keńselerden túsetin salyqtyq aýdarymdar kólemi azaıǵan. Soǵan qaramastan, salanyń aınalymy áli de aıtarlyqtaı joǵary bolyp otyr. 

– Keıingi bir jyldan astam ýaqyt ishinde tigilgen bástiń jalpy kólemi 1,6 trln teńgege jetti. Onyń 1,2 trln teńgesi utys retinde qaıtarylǵan, ıaǵnı qaıtarym deńgeıi – 75 paıyz. Al qalǵan 25 paıyzy býkmekerlik uıymdardyń úlesinde qalady. Qazirgi tańda shamamen 700 myń adam turaqty túrde bás tigýmen aınalysady, - dedi vıtse-mınıstr.

Osy kórsetkishterge súıensek, eldegi eresekterdiń 15-20 paıyzy býkmekerlik oıyn oınaıdy.

Eske sala keteıik, Túrkistan oblysynda 166 mln teńge qaryzy bar 21 boryshker qumar oıynǵa aqsha salǵan.