Qazaqstandyq ziltemirshi Azııa chempıonatynda besinshi oryn aldy
ASTANA.KAZINFORM - Qazaqstan quramasy aýyr atletıkadan Úndistannyń Gandınagar qalasynda ótip jatqan Azııa chempıonatyndaǵy jarys jolyn bastady.
El quramasynan alǵashqy bolyp Petr Hrebtov synǵa tústi. 79 kelige deıingi salmaq dárejesinde qazaqstandyq sportshy besinshi orynǵa ıe boldy. Ol qossaıys qorytyndysy boıynsha 335 (150+185) kelini eńserdi.
Altyn medaldi Soltústik Koreıa ókili Rı Ren Hen jeńip aldy - 364 (158+206) keli. Ekinshi oryndy taǵy bir soltústikkoreıalyq Rı Chon Son ıelendi - 358 (161+197) keli. Qola júlde qytaılyq Lý Naıganǵa buıyrdy - 345 (157+188) keli.
Búgin, 15 mamyr kúni, 88 kelige deıingi salmaqta Qazaqstan quramasynan Aleksandr Ývarov pen Álibek Rahymberdy baq synaıdy.
Aıta keteıik, búgin shaıbaly hokkeıden elıtalyq dıvızıonda álem chempıonaty bastalady.
