Qazaqstandyq júzýshiler Er-Rııadtaǵy jarysta tórt medal jeńip aldy

ASTANA. KAZINFORM – Saýd Arabııasynyń Er-Rııad qalasynda ótip jatqan VI Islam Yntymaqtastyǵy oıyndarynda Qazaqstan quramasynyń júzýshileri tabysty óner kórsetip, eki altyn, bir kúmis jáne bir qola medalǵa ıe boldy, dep habarlaıdy UOK baspasóz qyzmeti.

Ádilbek Mýsın 50 metrge batterflıaı ádisimen júzýde 23.85 sekýnd nátıjemen altyn medal jeńip aldy. Bul — Qazaqstannyń júzýden atalmysh oıyndardaǵy ekinshi altyn júldesi.

Áıelder arasyndaǵy 50 metrge batterflıaı saıysynda Sofıa Spodarenko 26.99 sekýnd kórsetkishimen jeńimpaz atandy. Mysyr sportshysy Farıda Osman (27.04) ekinshi, al senegaldyq Oýmı Dıop (27.31) úshinshi orynǵa ıe boldy.

Onyń izin ala Maksım Skazobtsov dál osy qashyqtyqta 23.87 sekýnd kórsetkishimen kúmis medal ıelendi. Úzdik úshtikti mysyrlyq Abdelrahman Elsaıed (23.90) túıindedi.

Sonymen qatar, Aıbat Myrzamuratov 200 metrge keshendi júzý baǵdarlamasynda 02:05.07 ýaqytymen qola medal jeńip aldy. Bul saıysta túrkııalyq Berke Saka (01:59.51) jeńimpaz atanyp, aljırlik Djaýad Seýd (02:03.01) kúmis ıelendi.

Osylaısha, qazaqstandyq júzýshier Islam yntymaqtastyǵy oıyndarynda tórt júlde jeńip alyp, ulttyq quramanyń qorjyny tolýyna eleýli úles qosty.

Aıta keteıik, osy básekede alǵashqy altyndy Arýna Jangeldına ıelengenin jazǵanbyz.