Qazaqstandyq júzgishter Islam yntymaqtastyǵy oıyndarynyń altyn medali úshin baq synaıdy

ASTANA. KAZINFORM – Er-Rııadta (Saýd Arabııasy) ótip jatqan Islam yntymaqtastyǵy oıyndarynda júzýden alǵashqy jarys kúni aıaqtaldy.

Jarys kúniniń qorytyndysy boıynsha Qazaqstan quramasynyń ókilderi birqatar fınaldyq kezeńge joldama aldy.

QR UOK málimetinshe, Ádilbek Mýsın, Maksım Skazobtsov jáne Sofıa Spodarenko 50 metrge batterflıaı ádisimen júzýden fınalǵa shyqty.

Aıbat Myrzamuratov 100 metrge brass ádisimen júzýden altyn medal úshin synǵa túsedi. Al 50 metrge erkin stılmen júzýden sheshýshi kezeńde el namysyn Sofıa Spodarenko men Gleb Kovalenıa qorǵaıdy.

Aıta keteıik, Samalaı Erǵalıeva Er-Rııadtaǵy jarysta Qazaqstan qorjynyn qolamen tolyqtyrdy.

Erjan Erenqaıypov, Sherzod Davlatov Islam Yntymaqtastyǵy oıyndarynyń kúmis júldegeri atandy.