Qazaqstandyq sportshylar Azıadada el rekordyn jańartty
Qytaıdyń Hanchjoý qalasynda ótip jatqan XIX jazǵy Azııa oıyndarynda sý sporty túrlerinen saıysqa qatysqan eki sportshy Qazaqstan rekordyn jańartty, dep habarlaıdy QazAqparat tilshisi.
El quramasynan Ádilbek Mýsın 100 metrge erkin ádispen júzýden jarysqa qatysty. Fınal satysynda ol márege jetinshi bolyp jetti. Kórsetkishi - 49.10 sekýnd.
Osylaısha Qazaqstan rekordyn jańartty.
Al Adelaıda Pchelıntseva 50 metrge brass ádisimen júzý saıysynda baq synady. Fınalda Adelaıda márege besinshi (31.04) bolyp júzip jetti.
Ol da elimizdiń rekordyn jańartýǵa múmkindik aldy.
Sondaı-aq, Dıana Tasjanova 200 metrge batterflıaı ádisimen sýǵa júzýden fınaldyq satysyna jete alǵan joq.
Dúbirli dodada sporttyń 8 túrinen: boks, sadaq atý, qazirgi bessaıys, júzý, breıkıng, kógaldaǵy hokkeı, tennıs pen jeńil atletıkadan Parıj Olımpıadasyna lıtsenzııa oınatylady.
